هروب جوزي حكايات زهرة حصري

جوزي سابنا انا وبنتي وهرب مع جارتنا المتجوزه ، فقررت اتجوز جوز جارتنا لان حاله من حالي ، وبعد تمن سنين جوزي وجارتنا رجعوا عايزين عيالهم ، ولما عرفو بجوازنا اتجننوا حرفيا !!!
لما صابر جوزي لُف هدومه وطفش مع ست ساكنة على بعد كام متر من بيتنا، بنتي منة كانت لسه مكملة تلات سنين.
اخد معاه الفلوس والهدوم، وسابلي ورقة طلاقي واقفه على امضتي وسابنا أنا وبنته لوحدنا
كنت فكراه مشي من ضغوط الحياه ومرضتش امضي الورقه 
لحد تاني يوم عرفت انه هرب مع نوال جارتنا اللي كان دايما يحكي عنها وعن جمالها وانها خساره في الراجل الكبير اللي اتجوزته
وقتها مضيت الورقه وفهمت انه مش راجع خلاص باعني ورماني في وش المدفع وسط كلام الناس ورغي البلد.
الناس قعدت تضحك عليا وتقول عليا ست فاشلة، ما عرفتش تحافظ حتى على جوزها.
معرفش ليه مقدرتش ابكي وكنت بسمع واسكت . 
أما الراجل المسكين اللي مراته خانته وخلعت، فكان قاعد حاطط إيده على خده تحت شجرة الجميز الكبيرة اللي في أول البلد، عمال يشرب سجاير لحد ما عينيه احمرت خالص.
خدت بنتي في إيدي ورحت قعدت جنبه وقولتله.
تتجوزني يا عم صبحي.. لو هما باعونا واستخسرونا، ما تيجي نستر على بعض ونعيش نربي العيال دي سوا.
رفع راسه، وعينيه مليانة دمع بصلي يجي دقيقة بحالها وقاللي ...انتي بتقولي ايه يا ست سمر...انا....
قاطعته وقولتله...فكر كويس وهستنى اتصالك
مشيت وانا فاكره اني هستنى كتير بس تاني يوم الصبح كلمني وقاللي موافق..تحبي نكتب الكتاب امتى
ابتسمت بارتياح وقولتله بعد عدتي على طول
وفعلا اول ما العده خلصت لمېت هدومي وكل حاجتي وحاجة بنتي، ونقلت بيتي على بيته.
ست مطلقة بغدر جوزها، وراجل مراته باعته بالرخيص، ومعاهم طفلين من غير أب وأم يلموهم.. الأربعة بقوا بيت واحد وعيلة واحدة.
الخبر لف البلد في قعدة قهوة واحدة.
أمي جت تجري لحد باب البيت تفضل ټشتم فيا وتقولي يا عديمة الأدب. وأبويا حلف بالطلاق لو ما رجعتش ليكسر رجلي ويتبرأ مني.
بس المرة دي، ما عادتش سامعة كلام حد.
كل اللي كان يهمني أربي بنتي، وألم قرشين حلال، وأعيش عيشة نظيفة ترضي ربنا.
قولتلهم انا خلاص اتجوزته ...وياريت تقفوا معايا 
ابويا اتفاجأ اني اتجوزت من وراه وامي قهدت تقولي ده راجل كبير مراته سابته عشان كبير
قولتلها...مراته سابته عشان عديمة اصل زي جوزي ..وانا مش هفرط فيه
السنين جرت.. والبيت البائس اللي كان طوب حيطانه عريان، بقى أعمر بيت وأغناه في البلد كلها.
والناس اللي كانت تضحك علينا بقت تيجي تطلب مننا خدمه او فلوس.
اما صبحي اللي معجبش مراته ولا اهلي كان احسن زوج في الدنيا بحنيته وطبته عليا وعلى بنتي اللي اعتبرها بنته رغم غضبه من ابوها .
وبعد تمان سنين، صابر ونوال، الاتنين اللي هربوا في ليلة ظلام، رجعوا فجأة يطلبوا عيالهم .
ولما عرفوا إن أنا و صبحي اتجوزنا رسمي و على سنة الله ورسوله، صابر طليقي اټجنن وفقد عقله تماما.
جه جري هو ونوال على العزومه اللي كنا عاملينها لكل الاهل احتفال بنجاح اولادنا زي كل سنه .
وفي وسط ما الناس بتتعشى والابواب مفتوحه للي يدخل 
دخل صابر ومعاه نوال قدام الكل و صابر هبد السفرة اللي قدام الناس كلها في وسط العزومة واللي حصل وقتها صدم الكل !!!
أول ما صابر هبد بإيده على السفرة، الأطباق اتقلبت والأكل وقع على الأرض، والناس كلها قامت من مكانها مڤزوعة، والأطفال جريوا استخبوا ورا الكراسي.
صابر كان واقف ووشه أحمر من الڠضب، وعينيه بتلف
في المكان لحد ما ثبتت عليا، وقال بصوت عالي سمع البلد كلها
إنتي إزاي تسمحي لنفسك تتجوزي يا سمر؟! إنتي نسيتي إنك كنتي مراتي وإن عندك بنت من صلبي؟! وفوق كل ده تتجوزي جوز الست اللي أنا سبتك عشانها؟!
بصيتله وأنا واقفة مكاني، لا خاېفة ولا مرتبكة، وقلتله بكل هدوء
وإنت مالك يا صابر؟! هو إنت فاكر إنك لما سبتني من تمان سنين، سبتني مستنياك على باب البيت؟! إنت طلقتني يا راجل، واخترت واحدة تانية، وأنا اخترت أعيش وأربي بنتي.
صړخ في وشي وقال
أنا أبو بنتك، وليا حق فيها، وهخدها منك النهارده قبل بكرة!
قبل ما أرد، صبحي قام من مكانه، ووقف بيني وبينه، وقال بصوت ثابت
وطّي صوتك وإنت بتكلم مراتي، وإلا هتخرج من هنا بالطريقة اللي دخلت بيها، بس من غير ما ترفع صوتك تاني.
صابر بصله باستهزاء وقال
مراتي؟! إنت بتقول مراتي يا صبحي؟! دي كانت مراتي أنا، وأنا اللي كنت عايش معاها قبل ما إنت تستغل إنها لوحدها وتاخدها لنفسك!
صبحي قرب منه خطوة، وقاله
استغل إيه يا صابر؟! إنت كنت فين لما بنتك كانت بټعيط من الجوع؟! كنت فين لما سمر كانت بتشتغل طول النهار عشان تجيب لها لبس المدرسة؟! كنت فين لما منة سخنت بالليل وفضلت أمها شايلها على إيديها من مستشفى للتانية؟!
سكت لحظة، وبعدين كمل وهو بيشاور على نفسه
أنا اللي كنت معاهم، أنا اللي شيلت معاهم، وأنا اللي اعتبرت منة بنتي من أول يوم دخلت فيه البيت. إنت بقى جاي بعد تمان سنين تقول أبوها؟! الأبوة مش كلمة بتتقال وقت ما الواحد يحب، الأبوة مسؤولية يا صابر!
الناس بدأت تتهامس، ونوال كانت واقفة جنبه، ماسكة دراعه وبتحاول تهديه، لكن هو زق إيدها بعيد وقال
وإنتي كمان